Алматы қаласының 12 жастағы оқушысына азғындық әрекеттер жасаған Түркістан облысының тұрғыны сотталды, - деп хабарлайды Massaget.kz тілшісі.
Тергеу барысында ер адам Астанада болған кезде Telegram мессенджері арқылы Алматы гимназияларының бірінде оқитын 6-сыныптың оқушысымен танысқаны анықталды.
"Кейін бейнебайланыс барысында ол жыныстық сипаттағы әдепсіз іс-әрекеттер жасаған", - деп жазылған хабарламада.
Сот үкімі
Алматы қаласының кәмелетке толмағандардың істері жөніндегі мамандандырылған ауданаралық соты айыпталушыны Қазақстан Республикасы Қылмыстық кодексінің 124-бабы 1-бөлігі бойынша кінәлі деп тапты.
Оған 7 жылға бас бостандығынан айыру түріндегі жаза тағайындалды, айыпталушы жазасын қылмыстық-атқару жүйесінің орташа қауіпсіз мекемесінде өтейді.
Үкім заңды күшіне енді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова